جديد _______ حوار بين الجده من وكتنه وحفيدتها سنة 2085

هلوووووووووو


[size=21]حوار بين بنت وجدتها الجدة من وكتنه والبنت في عام 2085,,يعني ايامنا هاي صارت خبر كان



الزمان : يوم من أيام عام 2085






========================



حفيدة في سن المراهقة (14 سنة) تجلس مع
جدتها

ويدور بينهما هذا الحوار:


الحفيدة : هاااي بيبي ميرو صارلي هواية مكاعدة وياج؟..


الجدة : اصلا من اجيتي للدنيا مشفتج بس مرتين..


الحفيدة : بيبي ليش متفتحين الستلايت؟؟؟؟

الجدة :الدش صار كلش ممل مبيه غير
خمسة واربعين الف قناة بس!.
!


الحفيدة : شنو هل حلاوة؟ حلو البدي اللي انتي
لابسته..بس ده موديل قديمة شوية يابيبيتي

الجدة : يا بنتي أنا مرية قديمة والبس مثل ما
جيلنا اتعود عليه وحسب التقاليد القديمة مالتنه


الحفيدة : اي بس مو حاسة إنك مخنوكة وانتي
لابسته؟


الجدة : أبداً هو هذا اللبس المحتشم اللي
مفروض الكل يلبسه ويحافظ عليه..وين أيام زمان
لما كنا نلبس البدي اللي مبين البطن والظهر
بس، مع البنطلون الجلد …؟


الحفيدة : ياه يا بيبي.. انتوا كانت ليكم تقاليد
غريبة كلش
!

الجدة : وهو انتي فاكرة إن أيامكم هايه هم تحسبوهه أيام؟
يا بنتي أيامكم هاي ما يعلم بيها إلا ربنا .. وين أيام
سنة 2008 هي الوحدة فينا كانت كلش تخاف
تشرب سيكارة كدام ابوهه واخوتهه؟؟؟؟؟
اصلا بهيج حالة الدنيا كانت تنكلب ساعتها ..
وأحتمال بابا يخاصمهه.. كانت اكو شغلة اسمها أخلاق
بوكتنه


الحفيدة : معقول يا بيبي؟ للدرجة الفظيعة هاي!!؟الجدة : اي لعد انتي شتصورين .. وبعدين كانت البنت
ما تلبس اللبس الخليع مال هل ايام هاي
..يعني التنورة كان ما يقل طولها عن شبر
.. وكانت النسوان الكبار شويه يلبسوا فوكاها بلوزة
باستمرار ..مو مثل وكتكم! حسبي الله نعم
الوكيل على وكتكم هذا


الحفيدة : راح اتجنن معقوله كان اكو هيجي تعصب ..


الجدة : احجيلج عن شنو بعد بزمانه ....اي اي اذكرت؟
..
زمان كنا نسمع الطرب الأصيل لمطربين
حقيقيين مثل : حكيم ومصطفى قمر وعمرو دياب وطبعاً الفن الراقي مال هيفا وروبي واليسا كلش جانو متحشمات وكانت
سيدة الغناء شاكيرا اصلا من تغني عبالك صنم ابد متتحرك، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية اللي تعمر القلوب،


الحفيدة : وبعدين يابيوبتي؟الجدة : وبعدين كنا نسمع على شي اسمها
هيد فون،وكان عدنه جهاز اسمة لاب توب هيه صح انقرضت ، بس كان
ليها طعم خاص، يا سلام لما كنا نحط
جهاز الموبايل ونعلقها في حزام البنطلون
ونمشي في الشارع، كانت أيام
روووووعة.


الحفيدة : السبيك(الكلام) مالج عن ايام زمان مسلي هواية .. بيبي .... بيبي العفو اذكرت شي لحظات وارجعلج
بس أصحي روكي صاحبي فى
المدرسة لأنه كان نايم في غرفتي من
البارحة ..


الجدة : طيب ياحبيبتي روحي



(بعد عدة دقائق)



الحفيدة : هيه يا بوبتي.. وبعدين؟ كمليلي عن تخلفكم هيع هيع


الجدة : أحلى أيام كانت أيام الدراسة،
كان على أيامنا الصف الواحد ميزيد عدد طلابه عن
ستين سبعين طالب او طالبه وكنا بوكتنه
نفهم الدرس زين لان عددنه قليل كلش مو مثل هسه



الحفيدة : زين بيبي شلون الخدمات للمواطنين بوكتكم ؟



الجدة : يمعودة كنا بعز اصلا المي مرات نروح نشرب من نهر دجلة الحفيدة اي والله سامع بدجلة اكلج يعني كان بدجلة مي؟ الجدة : اي بس جان ويا المي تطلعنه جثث مجهولة الهوية؟؟؟ الحفيدة :زين بيبي والكهرباء شلون كانت عدكم؟ الجدة يمعودة مو مثل هسة جانت تجينة مرات ساعة بلليل والنهار... الحفيدة:لعد بهاي انتو متطورين اكثر من عدنه:







هه..أفتح لك التليفزيون يا بيبي حتى تشوفي
نشرة الأخبار؟الحفيدة تضغط الريموت كنترول لنرى شاشة كبيرة
بطول وعرض حائط الغرفة، وتظهر صوت مذيعة
مصحوباً بلقطات للأنباء تقول:


المذيعة : هاي شلة ! إليكم عناوين الأخبار

-
أمريكا ترصد 25 مليار دولار لرأس اسامة بن محمد
بن أسامة بن لادن المتهم الأول في تفجير قصر
السفير الأمريكي في أفغانستان

واشنطن تتهم ليبيا بتفجير سفينة فضاء فوق
كوكب المريخ


وزير الاقتصاد د. (؟) يصرّح
:
إعدام الفقراء هو الحل لخروجنا من عنق الزجاجة


أخبار عربية :


زهوة ياسر عرفات تطالب بانسحاب إسرائيل
حتى حدود عام 2030، وإعلان الدولة الفلسطينية
في مايو المقبل


-
إسرائيل ترفض الإنسحاب من البصرة إلا بعد
ضمان أمن مستوطناتها في بغداد

-
اشتباكات على الحدود الإسرائيلية المغربية


أخبار الفن

-
زفاف المطربة صباح(بعدهي عايشه بذاك الوكت هع) على حفيد الفنان الراحل
راغب علامة


الفنان محمد هنيدي يهاجم نجوم الكوميديا الجدد


المذيعة : فينيش باي

الجدة : مكدر اباوع بعد حسبي الله ونعم الوكيل عليكم

(يغمى عليها)


الحفيدة : بيبي..بيوبتي
.. يمااااااااااامي هاي ماتت ..تعالو دفنوهه

___________________________________________

لاضافة رد انقر على كلمة اضف رد على الموضوع